Burst de Barabási: unha proposta de marketig boísima!!

Standard

Albert-László Barabási presenta o seu novo libro, Bursts, prometendo non falar del, senón propondo un xogo, unha experiencia social dinámica a quen se anime a participar. Traduzo libremente engadindo algunhas cousas que non comenta na presentación e eliminando outras:

Bursts é unha performance de dinámica humana, un xogo de cooperación e predición, que permitirá revelar aos poucos o contido do libro. Polo atallo, se te rexistras en http://brsts.com, poderás adoptar unha das 84,245 palabras da obra. Unha vez que adoptes unha, recibirás o teu certificado de adopción e accederás a ver todas as demas que xa foron adoptadas por alguén –cando todas as palabras sexan adoptadas, todas as persoas que adoptaron terán acceso á lectura online completa de Bursts. Tamén podes convidar amigos e tratar de adiviñar palabras e gañarás puntos cos que poderás mercar novas palabras que non sexas quen de adiviñar. As persoas con puntuacións máis altas mesmo recibirán un exemplar asinado.

Sei que todos andamos curtos de tempo, mais oxalá que vos animedes a participar neste fascinante experimento, a formar parte desde Estourido (Burst) colectivo!

A interface de lectura do libro é bonita pero non especialmente cómoda, semella estar pensada para enganchar o lector e animalo a mercar o libro un pouco máis tarde, ou só para xogar a adiviñar palabras e conseguir a copia de balde, como promete Barabási.

O que máis me chama a atención é o prezo en Amazon: 11,69$ para a versión en papel e 19,34$ para o formato electrónico!!!!!!!

www.brsts.com

Burst: E-book as word guessing game | TeleRead: Bring the E-Books Home.

Sobre o papel das bibliotecas no S XXI

Standard
Se tedes unha miga de paciencia para ler esta presentación en inglés, non vos defraudará. Realmente abre perspectivas sobre o papel das bibliotecas no presente e no futuro próximo. Por que ancorarse ao significado que unha palabra tivo até agora cando somos libres de darlle o que mellor nos pareza. Por que renunciar a que sigan a ser centros de axuda e asesoramento sobre novas necesidades nos novos tempos?

Acabará o libro electrónico con algo realmente?

Standard

Durante anos o debate centrouse en se o libro electrónico acabaría co papel ou non, de feito aínda hai quen está ancorado nesa cuestión. A revolución do libro electrónico estaba por chegar e supoñíase que o faría producindo unha gran explosión que deixaría instantaneamente moitas persoas sen traballo e as editoras en bloque mudarían as súas estruturas dun día para o outro. Finalmente parece que non foi tanto así, senón máis ben un proceso evolutivo en que van influíndo o abaratamento e mellora dos dispositivos de lectura, os custos de produción, as novas relacións sociais na rede, etc.

Nos últimos meses deixou de falarse da desaparición do papel, como digo, e agora parece que o novo debate que xorde, talvez para que o libro electrónico como tema de primeira plana non esmoreza, é se o libro electrónico acabará coa literatura, coa LITERATURA!!!! Hai quen di que se o libro electrónico non ten entidade física entón é un concepto temporal, máis que espacial. Pero non é exactamente o mesmo que o libro de papel? Pero é que, o libro é o papel ou o que representan os caracterres que leva impresos? Non serán as dúas cousas?

Dicir que o libro electrónico acabará coa literatura é o mesmo que dicir que as leitugas, por exemplo, poden facelo. Mesmo poderían as leitugas, a través de moitas reviravoltas da Historia, chegar a acabar coa industria editorial -cústame traballo crelo pero podería chegar a acontecer- Pero acabar coa literatura implica que antes habería que acabar con outras moitas cousas que hoxe por hoxe nos parecen de desaparición máis que improbábel.

Os contidos dixitais no ámbito educativo

Standard

Hoxe non é un día de grandes noticias sobre o libro dixital. Está por ver se o iPad acada o mesmo aparente éxito en Europa a partir de maio que nos EUA onde, no primeiro día nas tendas disque vendeu 300.000 unidades. Aínda non comezou a explosión da comercialización de todos eses tablets por baxi dos 300 $ que prometen aparecer no mercado antes do verán e que, con Android á cabeza esperan atinxir unha cota de mercado considerábel e ao mesmo tempo provocar un aumento nas conexións móbiles a Internet e na interconexión sincrónica entre persoas.

A noticia de hoxe para min é que hai varias noticias non especialmente triunfalistas sobre proxectos de inclusión de ereaders e creación de contidos dixitais no ámbito escolar. Tal e como explicou o xefe de contidos de Santillana no último Ficod, as eeditoras levan un tempo a faceren versións en flash dos seus libros de texto para que os profes usen a pizarra dixital na aula, mais isto ten os días contados. Os inmensos depósitos de contidos que atesouraron as editoras durante anos cobran de novo relevancia e convértense nun ben preciado que as novas editoras non poden nin soñar -sempre e cando non se animen a mercalos-. Materiais que se daban por caducos, máis polo soporte en que estaban inseridos que polo seu valor intrínseco, cobran ou poden cobrar nova vida a través da dixitalización e un conveniente proceso de categorización e etiquetado que os coloque á vista nos novos andeis das bases de datos das editoras de contidos educativos. Se a iso sumamos unha interface agradábel, tanto para docentes como para o alumnado, que poida operar como verdadeiro contorno de traballo na aula e na casa, entón a transición para o libro de texto dixital non ten por que doer. Sempre lembro o exemplo dos billetes de avión: se mesmo as persoas que non atopan moitos máis intereses en internet que reducir considerabelmente os gastos nas súas viaxes, son quen de mercar billetes por Internet, entón nada está perdido. É só unha cuestión de ofrecerlles o que queiran mercar, non o que lles queiramos vender.

New e-reader pilot program launched in Germany | The Digital Reader.

Que é Facebook?

Standard

Na RNE anuncian a presenza en Facebook de distintos programas como “a radio que se ve”. Na conferencia de Google 09 a maioría dos asistentes asumía que Facebook estaba en declive nos EUA, e así pode ser para algunhas das súas funcionalidades. Mais Facebook é xa moito máis que unha rede social con nomes e apelidos, é unha nova maneira de estar, de vender, de falar na rede, e iso xa non ten volta nun futuro próximo.

As nosas compras na Feira da poesía e da ilustración

Standard

Os pelachos pasárono a tope. Démoslles 5 € a cada un para que fixesen as súas compras, como cando nos daban cartos para ir á festa e andaron ao seu polo Quiosco Afonso durante 3 horas o sábado pola tarde. Nunca vira o pelacho facer cola por vontade propia durante 2 horas, nin sequera durante 5′, mais alí estivo ao pé das mesas dos ilustradores para levar para casa os seus tesouros.

Máis info sobre a feira

Biblioteca pública de Helsinki

Standard
Dedican a almacenaxe o 30% do espazo, por un 70% que reservan para os usuarios; proximamente mudarań de novo a proporción, reducindo o espazo dos libros até un 20%. Hai emisora de radio, estudio de gravación, sala de instrumentos que calquera pode coller sen que lle pregunten se saber tocar ou non. Conciben a biblioteca como centro de produción de cultura onde o 80% das actividades están organizadas polos usuarios e normalmente son gravadas e/ou retransmitidas. Como se pode ver nesta foto, a maioría das pezas do mobiliario teñen rodas, para poder organizar espazos segundo necesidades en todo momento. Dispoñen de dúas zonas que chaman especialmente a miña atención: unha área onde os usuarios poden acudir cos seus portátiles para pedir axuda até para pequenas reparacións, e unha zona de traballo para empresas e profesionais sen local, de onde se orgullan en dicir que xa saíron dúas importantes startups.
Non é o único concepto válido de blblioteca, desde logo, pero recoñezo que este dipo de proxecto me marabilla. Despois de ter visitado varios centros educativos de Islandia, hai poucos anos, e comprobar o ambiente relaxado e concentrado onde conseguían levar a multitarefa, este tipo de espazos onde as paredes non separan necesariamente actividades diferentes, recoñezo que me encanta.
Moitas máis fotos na anotación orixinal.

Lectura colectiva no Obelisco

Standard

O venres pasado asistimos á convocatoria organizada pola Concellaría de Cultura do Concello da Coruña, cadaquén co seu libriño, para lermos en voz alta durante 2 minutos. Eis o resultado.
Ao día seguinte, o sábado, asistimos tamén á Feira da poesía e da ilustración no Quiosco Afonso. Mercamos poemas manuscritos e deseños a 1 € e montamos o nosa carpeta única e irrepetíbel. Nos próximos días daremos conta das imaxes tamén.

WordPress para Android

Standard

QR Tag for current URL open in your web browserA versión anterior de WordPress para Android tiña certos problemas que facían que ficase atorada cando tentabas subir fotos. Mais hoxe actualiceina para a última versión e vai perfecta. Ao introducir usuario e clave permite xestionar todos os blogues adscritos ao teu usuario e anotar, borrar e editar anotacións. A subida de fotos funciona perfectamente, tanto desde a galería do móbil como o acceso á cámara desde WP para tirar unha nova foto e subila directamente ao blogue. Anteriormente utilizaba para este fin servizos externos como Shozu ou Pixelpipe, mais o problema que presentaban era que as imaxes non subían realmente ao blogue, senón que só aparecían nas anotacións a través de ligazons, o que significa que en caso de desaparecer o servizo ou borrar a túa conta, as imaxes desaparecerían automaticamente do blogue; e, en caso de facer un backup dos contidos aloxados no blogue, esas imaxes nunca estarían incluídas entre os datos, só as ligazóns para os servizos externos.

Se tes un móbil con Android, podes instalar desde o Android Market un lector de códigos como o Barcode Scanner. Esta aplicación permitirache ler o cadriño que aparece nesta anotación, que che presentará unha ligazón para instalares a aplicación de WordPress cun par de clics.