Vén a AchegArte!

Standard

O único que me doe dos últimos días e ter tan abandonado o blogue, co ben que o paso con el. A razón é AchegArte, a feira das industrias culturais galegas que temos esta finde a falta da edición de 2099 do Culturgal. AchegArte vai adiante porque unha enorme cantidade de persoas implicadas na cultura queremos que así sexa, porque precisamos un espazo de encontro, ocio e negocio irrenunciábel.

Alfredo, Pedro, Óscar, Maribel e eu estaremos presentes cun stand de Blogaliza. Regalaremos camisolas aos nosos blogueiros e dedicaremos sábado e domingo a resolver dúbidas e explicar cousiñas relacionadas cos blogues. Tamén botaremos unha man a todas as persoas que desexen crear un blogue en Blogaliza.

Este ano non podemos faltar. Vémonos tod@s en AchegArte!!!

FICOD: obradoiro de autoedición

Standard

Estou en FICOD en Madrid, a feira dos contidos dixitais que alberga a Feira do libro dixital edición cero. O primeiro evento ao que asisto é un obradoiro de autoedición impartido por Marta Bernal de Bubok. Somos arredor de 50 asistentes, dos cales hai 2 que teñen libro publicado en Bubok, servizo de publicación e impresión baixo demanda. Creo que só dous temos o portátil aberto.

A miña impresión cando lles botei unha ollada foi que era moderadamente simple subir e compoñer o libro, que as opcións de impresión eran suficientemente variadas pero o prezo parecérame excesivamente caro, sobre todo para tiraxes moi pequenas.

“O libro máis vendido de Bubok leva 600 exemplares”

Marta comeza destacando a usabilidade do servizo e a variedade de opcións para o produto final.

O perfil de autor pode asociarse a redes sociais. Os libros poden ser votados polos lectores.

Unha vez cubertos os gastos de edición, o autor decide se quere gañar cartos co libro ou non. Do prezo que engade o autor para o seu beneficio Bubok recibe o 20%. O pagamento pode ser mediante varios métodos como Paypal ou por teléfono.

Se o autor quere ter presenza en librarías debe contratar o ISBN directamente na Axencia do ISBN gratuitamente ou contratalo a través de Bubok, que tamén se encarga do envío dos 5 exemplares ao Depósito legal.

“O libro dixital normalmente regálase en Bubok”

Bubok ofrece a distribución a unhas 100 librarías cando algunha destas solicita exemplares de calquera dos libros publicados en Bubok. Para isto o libro debe ter ISBN e Depósito legal, non conter faltas de ortografía nin pixelados na portada. Se o autor quere que o seu libro entre no catálogo aberto ás librarías debe pagar 39 € a Bubok pola revisión.

“A marxe media de beneficio do autor é de 3 €”

Antes de subir un libro a Bubok:

-Escoller tamaño entre as 7 opcións posíbeis.

-Contar cunha versión PDF do libro.

-Ter en conta as marxes ao maquetar o documento.

-Ter en conta as páxinas de cortesía.

-Solicitar un exemplar de proba antes de promocionar a venda do libro.

Subir un libro:

-Subir PDF.

-Introducir datos da obra.

-Escoller formato (tamaño, cor, papel).

-Escoller capa.

-Escoller só descarga PDF e/ou impresión baixo demanda.

-Escoller prezo. (se o autor decide cobrar beneficios polo libro, estes serán ingresados por transferencia por Bubok).

Conta que teñen moito éxito entre os estudantes que elaboran apuntamentos de calidade. Acabouse iso de pedir os pauntamentos prestados.

Teñen 15.000 libros publicados. A partir de 2010 ofrecerán máis servizos, como a promoción en prensa e webs especializadas e coaching literario.

Hai editoras que utilizan Bubok com plataforma de impresión de libro descatalogado, tamén a Biblioteca Nacional, Dédalo, etc.

Conclusións sobre o informe sobre dixitalización e redes sociais

Standard

Estas son as conclusións do informe de Dosdoce e Ediciona, tal como as publica hoxe Soybits:

“El 28,2% de los 277 profesionales del libro encuestados considera que la venta de libros electrónicos se convertirá en la segunda vía de ingresos para las editoriales en 2020. Este porcentaje ha aumentado en 12 puntos si lo comparamos con los resultados de la encuesta de 2008, donde tan sólo un 16% de los editores pensaba que los contenidos digitales se convertirían en 2020 en su segunda vía de ingresos. Aunque la mayoría de los editores considera que el papel mantendrá su posición dominante, la segunda edición del estudio detecta un cambio de actitud ante el reto de la digitalización. El 44% de los profesionales del sector del libro encuestados opina que la principal vía de ingresos de las editoriales españolas en el año 2020 seguirá siendo los libros en papel. Si comparamos estos datos con la encuesta de 2008 detectamos un descenso de 4 puntos, ya que el 48% de los encuestados manifestó entonces que la principal vía de ingresos seguiría siendo el papel. Este descenso porcentual de 4 puntos en tan sólo un año demuestra que cada vez más el sector empieza a ser consciente de la importancia que tendrán los contenidos digitales en su modelo de negocio.”

El estudio está disponible para descarga gratuita en Dosdoce y Ediciona.

víaSegundo informe sobre digitalización y redes sociales. Soybits.

Escolle a túa propia aventura no Kindle

Standard

Si, aqueles libros de hai 30 anos en que podías escoller entre que o prota se internase no bosque dos lobos ou que ficase na casa tranquilamente volven á carga, agora no Kindle. Realmente non son unha gran novidade pero abren o camiño dos textos enriquecidos, que irán saíndo con sorprendentes novidades proximamente.

‘Interactive’ fiction comes to the Kindle: Choose Your Own Adventure books | TeleRead: Bring the E-Books Home.

Libro: Breve historia do libro electrónico

Standard

Un libro que intentarei ler mañá no avión camiño de Madrid, onde vou para entrevistar Antonio Escohotado para blogaliza.tv e para asistir á Feira do libro electrónico que acolle o FICOD. Aínda que escrito orixinalmente en francés, existe unha versión en castelán que pode atoparse na web do Proxecto Gutemberg, para a que deixo a ligazón directa.

A autora é a investigadora e editora Marie Lebert.

No artigo mencionado máis abaixo faise alusión tamén a un PDF interactivo chamado Tecnoloxía e libros para todos que tamén pode ser interesante.

A Short History of Ebooks: from the French-speaking, European and International perspective | TeleRead: Bring the E-Books Home.

Brétemas sobre o futuro dos libros dixitais

Standard

“No entanto, se non se supera a actual identificación do dixital co gratuito para unha boa parte dos usuarios de Internet todo o contido que alí aparece debe ser de balde, esquecendo o pagamento que realizan polo servizo de acceso ou polos caros consumibles das impresoras, non haberá posibilidade de reconstruír unha cadea de valor intersectorial para a edición profesional dos libros dixitais. Unha cadea que, respectando o protagonismo do autor, contemple as funcións de editores centrados sobre o tratamento do contido e libreiros especializados na promoción do produto, profesionais sobre os que se asentou o noble oficio da edición dende que naceu na sociedade romana. Todo o sector do libro, como o da comunicación cultural no seu conxunto, está obrigado a iniciar esta mudanza de rumbo, na que convivirán libros impresos e dixitais e nas que haberá que responder a moitas preguntas e despexar moitas incerteza.”

Por favor, non xeneralicemos, nin equiparemos os internautas estodounidenses cos chineses, cos franceses, cos españois nin cos galegos. Como xa dixen algunha vez máis neste mesmo blogue, o público lector do libro galego é militante. Eu creo que esa é a única razón pola que a comunidada aínda non deu en dixitalizar o corpus pola súa conta.

Somos un país pequeno, coñecémonos todos; os escritores, único elo sen o cal non pode haber literatura, non viven dela. Non sería boa cousa chegar a un acordo entre todos? Por que non adiantármonos por unha vez e procurar un acordo social no ámbito do libro? A tecnoloxía está esta vez da nosa parte, só faltaría dicidir o que queremos e como estariamos dispostos a facelo.

víaBrétemas » O futuro dos libros dixitais.

Fracasados de antemano

Standard

[kml_flashembed movie="http://www.youtube.com/v/txH0YO35Xi0" width="400" height="330" wmode="transparent" /]

Por se alguén aínda non os coñece, son os Fracasados de antemano -uns dos gañadores de ACoruñaSon09- nun concerto didáctico que deron na Biblioteca dos Rosales. Alí tocaron, cantaron e responderon as preguntas dos máis pequenos, cativados por iso que chaman a figura do artista, e que eles se encargaron atinadamente de desmontar. Encántanme, representan a imaxe da modernidade que me enche o ollo: fusión sen perder as raíces, denuncia con arte, oficio na voz e nos instrumentos e, sobre todo, moita marcha!