YouTube nos copia

Standard

Evidentemente non o digo en serio, e non só por cuestión de tamaño, pois na produción dunha única idea en concreto non ten por que influír. Mais habemos de recoñecer que nos fixo graza onte ver as similitudes da nova grella de streaming personalizada de Youtube coa que andamos a desenvolver para Blogaliza. Si, proximamente os máis de 20.000 usuarios de Blogaliza -xa rematada a migración de fillos.org-, poderán solicitar día e hora na grella xeral para estrear os seus programas e que todos poidamos velos ao tempo que nos unimos á conversa nunha caixa de chat.

Ademais, compartiremos os nosos coñecementos sobre produción de streaming de vídeo con software libre, para que calquera usuario sexa quen de facer retransmisións en directo dunha festa, dunha entrevista, dunha conversa, do que teña a ben.

E non é a única novidade de Blogaliza este outono, estean atentos á (nosa) pantalla ;)

Lectura colectiva no Obelisco

Standard

O venres pasado asistimos á convocatoria organizada pola Concellaría de Cultura do Concello da Coruña, cadaquén co seu libriño, para lermos en voz alta durante 2 minutos. Eis o resultado.
Ao día seguinte, o sábado, asistimos tamén á Feira da poesía e da ilustración no Quiosco Afonso. Mercamos poemas manuscritos e deseños a 1 € e montamos o nosa carpeta única e irrepetíbel. Nos próximos días daremos conta das imaxes tamén.

Bieito Romero presenta ACoruñaSon10

Standard

Estamos en marcha con ACoruñaSon10, o certame de canción popular en galego a través de Internet que producimos por terceiro ano desde Algueirada para a Concellaría de Cultura do Concello da Coruña. Bieito participou xa no obradoiro do ano pasado cunha conferencia sobre música e tradición, mais este ano será un dos profes, xunto con Gastón Rodríguez, Andrés Teijeiro, Xabier Díaz e Carmen Rey, que ensinarán os 10 gañadores do certame moitas cousas sobre composición, arranxos, técnica vocal, autoedición e sobre todos os aspectos da produción musical.

Xa se poden escoitar moitas cancións en acorunason.eu

Vídeo streaming: en directo para o mundo

Standard

Parece mentira, hai tan só un ano eu tiña un móbil SE no que xa podía consultar o correo cando comecei a descubrir os servizos de streaming desde o móbil. Qik aínda só funcionaba co iPhone e Kyte permitiume instalar a app pero non conseguín facelo andar. Hoxe ha xa un puñado de servizos de balde que permiten emitir cun nivel de calidade aceptábel, en función da calidade da cámara do terminal. A través desta comparativa, na que curiosamente non aparece o Qik do que falaba, descubro que hai servizos que mesmo facilitan a publicación en Youtube do contido do streaming. Isto é só o comezo.

Live Video Streaming: Guía Con Los Mejores Servicios De Streaming Para Transmitir Tus Vídeos En Tiempo Real.

Como crear un programa de televisión interactivo con Ustream e Facebook

Standard

Os blogues potentes comezan a producir os seus propios boletíns de noticias semanais en vídeo cos seus propios medios. Os usuarios medios teñen a man recursos como Ustream e Facebook combinados. Hai que se poñer as pilas.

“Cada vez, se pone más de moda hacer transmisiones televisivas por Internet y recibir los comentarios del público a través de tagboards. Hace unos meses, Ustream y Facebook se asociaron para crear un sistema conjunto que ya se utilizó, por ejemplo, durante la asunción de Barack Obama, y para la cobertura de las elecciones legislativas en la Argentina.

El problema es que los usuarios finales no tienen acceso al mismo, dado que está pensado exclusivamente para artistas o marcas relevantes. Sin embargo, tú puedes hacer lo mismo en tu sitio de manera totalmente personalizada y gratuita, siguiendo los pasos que te indicaremos a continuación:”

Cómo crear un programa de televisión interactivo con Ustream y Facebook | Bitelia.