Ligazón

Duo caseiro de Táti Mancebo con Uxía e Narf sobre uma canção do disco Baladas da Galiza Imaxinaria. Publicado com autorização na palavracomum.com.

Agora que mesmo com mui pouco conhecimento de teoria musical e a ajuda da tecnologia, se podem fazer cousas como esta com tanta facilidade; agora que tanto se deixou de cantar nas festas; agora que ir de guai é dizer que cantas fatal ainda que não o fagas, ainda que não sejas profissional, ainda que não queiras fachendear. Recuperemos a canção como divertimento, como expressão de alegria, como comunicação. Deixemos que as nossas vozes se toquem em alto e voltemos às nossas raízes!

Vidoiro I

Standard

Adorei a proposta de Ramiro para escrever um poema ao fio da última peça publicada polo Neno escuro. Conhecim o Rafa nos anos 80, aos nossos 16 ou 17 anos; já daquela andava metido em bandas e já daquela tinha a bondade escrita no rosto.

Gostei muito de Vidoiro porque me conduziu polo mesmo percurso que ultimanente costumo sentir ao visitar espaços similares: penso em toda a gente que nalgum momento os habitou, os sentiu seus, se sentiu deles; a gente que padeceu e morreu nesses lugares que no entanto, continuam a servir-nos para intuir o que pode ser a paz.

Decidim escrever un poema sobre a HISTÓRIA, com maiúsculas porque é a que nos conecta com todas as pessoas de todos os tempos passados e os por vir.

Sentim a nossa condição de accidente e a nossa imensidade, por isso quigem escrever um poema breve, com a estrutura máis simples, com palavras seleccionadas entre as 100 máis comuns. O ritmo tamém é simples e uniforme. O ritmo é uma dessas poucas cousas que nos fão humanos e que está, e tem estado, presente tanto na celebração como na guerra, tanto no traballo em equipa como no coração de cada pessoa, por isso é tamém simples e uniforme no poema.

Sobre a minha interpretação da história, creo que nada me resta por engadir ao próprio poema, para isso precisamente o escrevim.

Proponho-vos que vejades o vídeo primeiro. A continuação tedes HISTÓRIA, ao carão das colaborações de Alfredo Ferreiro, Ramiro Torres e Ramón Neto. É toda uma honra partilhar espaço poético com eles.

Ojalá gostedes.

ALFREDO FERREIRO

VIDOIRO

Como o mar e a terra se abraçam
assim no monte a névoa e as pedras.
Ela cavalga sobre o seu lombo,
elas discorrem sob o seu ventre,
ela penetra nas suas fendas,
elas banham-se no seu leite.
É uma pausada procela
que caminha sobre um
assobio que dança,
é a existência no primórdio,
é o que acontece após o fim.

Arteijo, 28/I/2016. Baseado no vídeo do mesmo título de Neno Escuro.

TATI MANCEBO

HISTÓRIA

Atrás cantavam
Atrás sabiam
Atrás dançavam
Atrás queriam

Atrás chegavam
Atrás viviam
Atrás marchavam
Atrás volviam

RAMIRO TORRES

VIDOIRO

Para o Rafa, sempre a caminhar.

Ardem os signos na
irrigação do invisível
entre os sons da luz,
transportados para
a absoluta consumação
onde se entranha o saber:
imóveis no obscuro,
abrimos os olhos sob
a espuma do tempo,
embriagada a percepção
com animais dormidos
a arfar desde o fundo,
viageiros na estranheza
do vivo a florir no uno.

Janeiro de 2016.

RAMÓN NETO

Vidoiro (negativo)

Canto maior a intensidade luminosa
maior é o escurecemento dos sales de prata.

Inversión tonal. Onde premen
as polpas medran pálpebras.

Enfoque e nervio nunha mesma uva
dilatan o ventre da rocha.

Lágrima. Nada máis que
irritación na córnea a causa do ar frío.

Alguén despeza o seu
escafandro no círculo glaciar.

Descenso en apnea no ollo de boi.

Son as zonas que apenas reflicten a luz
as que se acaban transformando
nas partes claras ou transparentes da emulsión.

Novo estojo para bolis

estojo emcouros
Standard

Queriamos desenhar um estojo de 2 peças que não fosse a simples união de paralelepípedos, mas que resultasse em um paralelepípedo. Partimos de um plano e elevamos os laterais, a aginha procurarom na curva a sua forma definitiva.
Despois engadimos uma banda elástica para poder prendê-lo em livros e tabletas.
Si, seria máis práctico com tampa, mas parece ser que não é a moda neste momento.
Hoje saiu um ejemplar para Austrália. Por que será que quanto máis longe vão as nossas peãs, máis nos emocionamos. Talvez porque sonhamos con visitar todxs xs nossxs clientes alguma vez.

Como desproteger um PDF

Captura de pantalla de 2016-01-29 13:01:03
Standard

Às vezes chegam às nossas mãos PDF protegidos que precisamos editar. Para isso, tanto tem se trabalhamos desde Linux ou desde qualquer outro sistema operativo, hai soluçoẽs online como pdfunlocker às que, que sem necessidade de registo, podemos subir os nossos arquivos e desprotege-los para podermos edita-los com facilidade.

Desde a mesma página podem utilizar-se tamém ferramentas para combinar, dividir, proteger, comprimir e virar páginas de documentos em formato PDF.

Pornque votaría pola Marea atlántica se vivise na Coruña

Standard

Cando por fin me convencín de que era mellor votar e comecei a facelo, en realidade sentía que acudía ás urnas máis ben a quitarlle un voto aos malos, e vía con tristeza que o peor do sistema nunca era cuestionado. Votaba persoas en cuxo traballo e intencións confiaba, para min cativas nunha organización ríxida cuxas leis estaban sempre por riba dos dereitos da cidadanía, que ademais precisaban unha reinterpretación, así como unha redefinición do concepto de participación. Así teño votado pola miña querida amiga María Xosé Bravo e por Xosé Manuel Carril , aos que gostaría ver de novo no Concello, ou Ana Miranda, unha sabia com que temos a sorte de contar na pantomima do Parlamento Europeo.
Co xurdimento das Mareas e outras plataformas cidadás similares ao longo do estado, sinto por primeira vez que hai programas polos que quero votar, que podo participar directamente nas decisións da miña comunidade, e iso ilusióname. Porque non creo nxs gobernantes senón nxs representantes, e porque non creo que estxs teñan que destacar nin pola súa riqueza nin polas súas técnicas interpretativas, senón pola súa honradez e polas súa capacidade para coordinar grupos de traballo.
Pero é que ademais, orgúllame contar coa amizade e coas capacidades de organización, de análise e de crítica de persoas como Iago MartínezRocío Fraga Rizlinha e José Manuel Sande GarcíaGarcía, sei da iniciativa desde o seu inicio, sei como comezaron a traballar desde os barrios, de forma horizontal sen a predeterminación de fundar un partido senón de mellorar a vida da comunidade, sei de como ese traxecto xs levou aonde están agora, a piques de facer posíbel que a propia cidadanía xestione directamente os recursos da comunidade, para facer da Coruña un exemplo de convivencia e desenvolvemento sociocultural, unha grande esperanza por primeira vez na vida é o que sinto.
E noutros lugares como Arteixo, en que parece que aínda non estamos madurxs para cambiar todas esas cousas que nos dicían que non se podían tocar, votarei por Silvia Seixas Naia, por Xurxo Couto e por Xabier Maceiras Rodriguez , que van na candidatura do BNG e son as únicas persoas que coñezo, e nas que confío para que me representen.

Publicado desde WordPress para Android

Libros dixitais do IEM: Desenvolvendo o nobelo abre unha nova iniciativa editorial | ::Axenda cultural AELG::

Cita

Libros dixitais do IEM: Desenvolvendo o nobelo abre unha nova iniciativa editorial | ::Axenda cultural AELG::.

Xa se pode descargar de balde o libro Desenvolvendo o nobelo, conformado por traballos procedentes do obradoiro de creción literaria Victoriano Taibo, que imparte Marta Dacosta, cuxos poemas podedes tamén ler na Palavra comum.

Uncreative Writing: Ser original está pasado de moda – Yorokobu

Standard

Uncreative Writing: Ser original está pasado de moda – Yorokobu.

Leo este artigo e estou de acordo, en xeral é o que penso, no entanto póñome en contra do tipo que o di e creo  que me caería mal, só porque me parece que a súa roupa é unha pose.

De cativa pensaba que, como eu me vía, me vía tamén o resto do mundo; pensaba que funcionaban as clasificacións de forma universal. Xa como adulta decidín seguir actuando como se fose así. Debo recoñecer que é posíbel que outrxs pensen do mesmo modo.